Obras archivo - Obrasespeciales

ERRENIEGAKO TUNELAK

Natalia Monreal Ayesa — Mon, 23 Mar 2020 17:01:01 +0000

Herria:: Asterain-Uterga (Nafarroa)
Bezeroa: Sociedad Concesionaria “Autovía del Camino S.A.”
Urtea: 2005

Erreniegako tunelak 1 km luze dira, eta 200 m-ra dauden bost galeriak lotzen dituzte; horien bitartez, ebakuazioa batetik bestera bideratu daiteke, segurtasuna xede.
Tunel bakoitza norabide bakarrekoa da, kota 602 m-koa da (egungo errepideak baino 80 m gutxiago), eta bi errei eta espaloiak dituzte.

Lanei ekin zitzaienean, hondeatze-lanen lehen zatia bideratzeko leherketak egin ziren. Lurraren ezaugarriak direla bide, irristatze-arazoak sortu ziren iparreko hegalean, eta obra baldintzatu zuten. Ondorioz, tunelak mendilerroko hegoaldeko hegaletik hondeatu behar izan ziren.

Pantaila nagusia eraiki behar izan zen zorua egonkortzeko; hura eta hegala elkarzutak dira, eta pantaila hormigoi armatuzko 126 pilotek osatzen dute, 14 m-ko altuera eta 80 cm-ko diametroa dutenek.
Eusteko egitura hori 2003ko abuztutik 2004ko urtarrilera bitarte eraiki zen. Hurrengo hilabeteetan, hondeatze-lanak eta egokitu zein estaltzeko lanak egin ziren, hormigoizko 20 cm-ko geruza batekin. Horretarako, neurrira egindako gurdi enkofratzaileak erabili ziren.

Amaitzeko, argiztatzeko, aireztatzeko, suteak detektatzeko eta seinaleztatzeko instalazioak muntatu ziren.

La entrada ERRENIEGAKO TUNELAK se publicó primero en Obrasespeciales.

IRUNGO SAN MARTZIAL KALEA BERRIZ URBANIZATZEA

Natalia Monreal Ayesa — Mon, 23 Mar 2020 16:08:48 +0000

Herria: Irun (Gipuzkoa)
Bezeroa: Ayuntamiento de Irun
Urtea: 2017
Irungo San Martzial kaleak garrantzi eta tradizio handiak ditu, jaietako desfilea hartan zehar egiten da eta. Obraren barnean, kalea urbanizatu egin zen.

San Martzial kalea Sarjia parkeari atxikita dago, eta hiriguneko bi espazio nagusiak lotzen ditu: San Juan plaza eta Urdanibia plaza.

Kalea berriz urbanizatu zen, eta ordura artekoa baino oinezkoentzako izaera handiagoa eman zitzaion. Granitozko zoladura erabili zen, zerbitzuak berritu ziren eta, parkearen aldean, horma eta desnibela desagerrarazi ziren, bi espazioak bateratzeko eta irekiagoak izateko.

La entrada IRUNGO SAN MARTZIAL KALEA BERRIZ URBANIZATZEA se publicó primero en Obrasespeciales.

IGOGAILUA TIBURTZIO ANITUA ETA KARLOS ELGEZUA KALEEN ARTEAN

Natalia Monreal Ayesa — Mon, 23 Mar 2020 15:49:41 +0000

Herria: Eibar (Gipuzkoa)
Bezeroa: Ayuntamiento de Eibar
Urtea: 2020

Igogailu bat eraiki zen Eibarreko Amaña auzoko irisgarritasuna hobetzeko, ez baitzegoen hirigunearekin ongi lotuta.

Igogailua herriko Tiburtzio Anitua eta Karlos Elgezua kaleen artean dago, eta horien arteko 20,55 metros -ko aldea egiten du gora eta behera.

La entrada IGOGAILUA TIBURTZIO ANITUA ETA KARLOS ELGEZUA KALEEN ARTEAN se publicó primero en Obrasespeciales.

DEBABARRENEKO HODI-BILTZAILEA ETA ADAR OSAGARRIAK. I. FASEA. SORALUZE-MALTZAGA

Natalia Monreal Ayesa — Mon, 23 Mar 2020 15:30:49 +0000

Herria: Soraluze – Maltzaga (Gipuzkoa)
Bezeroa: Eusko Jaurlaritza
Urtea: 2010

Ibaietako uren kalitatea hobetze aldera, Debabarreneko hodi-biltzailea eta adar osagarriak egin ziren Soraluze eta Maltzaga herrien artean.
Lanak lehen fasekoak ziren, hiru fase aurreikusita baitzeuden sarea osatu bitarte, Eibar, Maltzaga eta Elgoibar artean.
Hodi-biltzaile nagusia bi tartetan banatuta dago. Horietako bat herri artekoa da: Soraluzeko hirigunean hasi eta Maltzaga inguruan amaitzen da, Deba eta Ego ibaien elkargunearen ondoan. Beste tartea herri barnekoa da; zehazki, ezkerraldeko biltzailearen luzapena da uretan gora, Serafin Anchotegui auzunera heldu arte.
Zenbait diametrotako 3087 m hodi dira, eta gehienak Deba ibaiko ibilguan zehar ipini ziren.

La entrada DEBABARRENEKO HODI-BILTZAILEA ETA ADAR OSAGARRIAK. I. FASEA. SORALUZE-MALTZAGA se publicó primero en Obrasespeciales.

HONDAKIN-URAK ARAZTEKO LIZARRAKO ESTAZIOA (HUAE)

Natalia Monreal Ayesa — Mon, 23 Mar 2020 14:43:46 +0000

Bezeroa: Navarra de Infraestructuras Locales, S.A. (NILSA)
Herria: Lizarra (Nafarroa)
Urtea: 1994
Hondakin-urak arazteko Lizarrako estazioa 1994an eraiki zen, isuriak kontrolatzeko eta Lizarra, Villatuerta, Aiegi, Iratxe, Bearin eta Arandigoien udalerrietako hondakin-uren saneamendua behar bezala egiteko; baita Villatuertako industrialdeko urena ere, ur fekalak Ega ibaira isurtzen baitziren.

Arazketa-sisteman, ohantze biologikoa eta lokatz aktibatua baliatzen dira. Zehazki, eguneko 5.000 m³ tratatzen dira hiriko lerroan, eta eguneko 2.500 m³, industria-lerroan.

La entrada HONDAKIN-URAK ARAZTEKO LIZARRAKO ESTAZIOA (HUAE) se publicó primero en Obrasespeciales.

EDATEKO UREN TEBASKO ARAZTEGIA (EUTE)

Natalia Monreal Ayesa — Mon, 23 Mar 2020 14:17:22 +0000

Herria: Tebas (Nafarroa)
Bezeroa: Iruñerriko Mankomunitatea
Urtea: 2006
Edateko urak tratatzeko Tebasko estazioak Iruñerria urez hornitzea du xede, kontuan izanik 50 udalerri eta 300.000 biztanletik gora daudela bertan.
EUTEren egitura bi blokek osatzen dute. Lehenengoa da handiena, eta, hartan, kontrolerako eraikina dago. Hura eta bigarren blokea elkarzutak dira, eta bigarrenaren altuera txikiagoa da bestearena baino; hartan, iragazkien galeria dago. Bestalde, kontrolerako eraikinean bi multzo daude, hondar-iragazkien eta flotagailuen inguruan antolatuta. Multzo nagusiak bi solairu eta solairuartea ditu, eta hitzaldietarako aretoa, komunak eta aldagelak daude bertan. Multzo nagusiarekiko zut, iragazkien galeria dago. Laukizuzen-formako oinplanoa du, eta txikiagoa da kontrolerako eraikina baino.
Bi blokeek barneko patio antzeko bat eratzen dute, alboetako bi itxita dituena. Hartan daude iragazki irekiak eta dekantagailuak.
Ura Nafarroako Kanaletik heltzen da, 3 m zabal eta 2,68 m garai den ubide batean zehar.

La entrada EDATEKO UREN TEBASKO ARAZTEGIA (EUTE) se publicó primero en Obrasespeciales.

HAUR-ESKOLA VIANAN

Natalia Monreal Ayesa — Mon, 23 Mar 2020 13:16:04 +0000

Herria: Viana (Nafarroa)
Bezeroa: Nafarroako Gobernua
Urtea: 2009
Vianako 0-3 urteko umeentzako haur-eskola dagoen eraikina solairu bakar batek osatzen du. Aretoen azalera 1.273 m² da; estalitako jolastokiena, 278 m²; eta estali gabekoena, aldiz, 2.368 m². Eraikina hainbat eremutan bereizita eta antolatuta dago, zeharkako korridore baten laguntzaz:
– Umeen eremua: modulu bikoitzak dituzten lau areto daude, adinaren arabera antolatuta. Atseden hartzeko guneak eta bainugelak daude. Aretoek hego-mendebaldera jotzen dute, eguzki-argi eta babes bila.
– Aulkitxoen eremua: atari nagusiaren ondoan kokatu zen, estrategikoki. Ataritik zuzenean sartzeko aukera dago.
– Langileen eremua, biltegiak, tailerrak eta sukaldea, korridorearen eskuinaldean.
– Jolastoki estalia eta estali gabea korridorearen amaieran daude, eraikinaren ezkerraldean.

La entrada HAUR-ESKOLA VIANAN se publicó primero en Obrasespeciales.

NAFARROAKO OSPITALEKO F PABILIOIA BERRITZEA, AUZITEGIKO PATOLOGIA-ZERBITZURAKO

Natalia Monreal Ayesa — Mon, 23 Mar 2020 13:02:32 +0000

Herria: Iruña (Nafarroa)
Bezeroa: Nafarroako Gobernua
Urtea: 2008
Nafarroako Gobernuak Nafarroako Ospitaleko F pabilioia birgaitzea erabaki zuen, horren zati batean Auzitegi Medikuntzako Nafarroako Institutuko Auzitegiko Patologia Zerbitzua egon zedin.

Zehazki, berrikuntza-lanak egin ziren barruan, eta solairuarte berria eraiki zen. Gainera, beheko solairua berritu eta erdisotoa egokitu zen, ia ez zen-eta erabiltzen.

Eraikinean, solairu bat zegoen, eta galeria bat, sotoan, ospitaleko eraikin guztiak lotzen dituena. Berritze-lanak eginda, aitzitik, solairuartea eraiki zen, laborategiak, auzitegiko patologoaren bulegoa eta klimatizagailuen aretoa kokatzeko. Solairuarte horretako erdiko nabean, hura zeharkatzen duen pasabide bat egin zen, ageriko egitura metalikoz eta beiraz eginiko alboetako bi nabeak lotzen dituena. Lehenagotik ere bazegoen beheko solairuan, berriz, beilatokiak, komunak, ehorztetxeen bulegoak eta autopsia-areto bat daude.

Sotoan, areto berriak sortu dira, galeriaren bi alboetan hondeatuz. Solairu berean, kanpotik sartu eta irteteko bide bat dago. Igogailu bat ipini zen, gorpuak 1. beilatokira eramateko.

Fatxadak bere horretan utzi ziren; arotzeria besterik ez zen aldatu. Hegoaldeko fatxadan, nasa eta jasogailu berriak egin ziren.

La entrada NAFARROAKO OSPITALEKO F PABILIOIA BERRITZEA, AUZITEGIKO PATOLOGIA-ZERBITZURAKO se publicó primero en Obrasespeciales.

ADINGABEEN ZENTROA, ILUNDAINEN

Natalia Monreal Ayesa — Mon, 23 Mar 2020 12:06:00 +0000

Herria: Ilundain (Nafarroa)
Bezeroa: Nafarroako Gobernua
Urtea: 2010
Obraren barnean, adingabeen zentroa osatzeko hiru eraikin egin ziren Ilundain herrian, Nafarroako Aranguren ibarrean.
Zehazki, bizitzeko eraikina, segurtasun-zentroa eta erabilera anitzeko eraikina daude. Azken horretan, edonorentzako kafetegia dago.

Zentro berrian, baserri-eskolako zerbitzuak egotekoak ziren, lanak egin arte herri zaharreko etxeetan zeuden eta.

Lanak egin behar zirela eta, herria berriz urbanizatu zen.

La entrada ADINGABEEN ZENTROA, ILUNDAINEN se publicó primero en Obrasespeciales.

ZINEAK, MALL PASEO QUILÍNEN

Natalia Monreal Ayesa — Mon, 23 Mar 2020 11:46:08 +0000

Herria: Santiago, metropolitar eskualdea (Txile)
Bezeroa: Mall Paseo Quilín
Urtea: 2014
Obraren barruan, zineak eraiki ziren Mall Paseo Quilín saltoki-gunean. Guztira, 4.985 m²-ko azalera eraiki zen.

Lanak lurpeko bi eremutan egin ziren, eta haietan instalatu zen zineetarako egitura metalikoa. Eremu horiek saltoki-gunearekin bat egin zuten. Lokal batzuk ere berritu ziren saltoki-gunean.

Egitura fibrozementuzko xaflekin itxi zen, eta margo pikordunez estali, saltoki-gunearen gainerako estetika berari jarraituz.

La entrada ZINEAK, MALL PASEO QUILÍNEN se publicó primero en Obrasespeciales.